Kottakkunnu

മലപ്പുറത്തിന്റെ മറൈന്‍ ഡ്രൈവാണ് നഗരത്തിനു നടുവില്‍ പീഠം പോലെ ഉയര്‍ന്നു നില്‍ക്കുന്ന കോട്ടക്കുന്ന്. ചരിത്ര ഭൂമിയായ ഈ കുന്ന് എണ്ണൂറോളം വര്‍ഷം മുന്‍പ് പാറനമ്പിയുടെ അധീനതയിലായിരുന്നപ്പോള്‍ മുതല്‍ തന്ത്ര പ്രധാനമായ പ്രദേശമായിരുന്നു. നൂറ്റാണ്ടുകള്‍ക്ക് മുന്‍പ് ഇവിടെ വലിയ കോട്ടയുണ്ടായിരുന്നു എന്നു ചരിത്രം. കോട്ടക്കുന്നിനു താഴ്‍വാരത്തായുള്ള കോട്ടപ്പടി, മൂന്നാംപടി തുടങ്ങിയവ ഈ കോട്ടയുടെ കവാടങ്ങളായിരുന്നു. പടത്താവളങ്ങളായി ഉപയോഗിച്ചിരുന്ന കോട്ടക്കുന്നില്‍ നിന്നും രക്ഷപ്പെടാന്‍ പ്രത്യേക തുരങ്കങ്ങളും ഉണ്ടായിരുന്നുവത്രെ. ബ്രിട്ടീഷുകാരുടെ ദക്ഷിണേന്ത്യയിലെ ഏറ്റവും വലിയ വെടിവെപ്പു പരിശീലന കേന്ദ്രമായിരുന്നു കോട്ടക്കുന്ന്. പില്‍ക്കാലത്ത് മലബാര്‍ കലാപത്തിന്റെ നായകന്‍ വാരിയംകുന്നത്തു കുഞ്ഞഹമ്മദ് ഹാജി വെടിയേറ്റു വീണതും ഈ കോട്ടക്കുന്നിന്റെ ചരിവിലായിരുന്നു. തുടര്‍ന്നു വായിക്കുക »